Skráning í Stokkseyringafélagið

Stokkseyringafélagið í Reykjavík var stofnað 21. nóvember 1943 og er því með elstu átthagafélögum landsins. Markmið félagsins er að koma saman og hafa gaman af og einnig er það stefna félagsins að halda Þuríðarbúð við svo sómi sé af og hefur það tekist hingað til. Félagar eru áhugasamir um að komast (a.m.k) einu sinni á ári í heimahagana. Nýir félagar eru hjartanlega velkomnir og geta skráð sig hér á Stokkseyri.is

Úr lögum félagsins:

2. grein Hver sem orðin er 14 ára og er fæddur /eða býr á Stokkseyri getur orðið félagi, enn fremur (í viðauka frá 1955) makar þeirra, afkomendur og aðrir velunnarar. 3. grein Tilgangur félagsins er að viðhalda kunningjaskap milli burtfluttra og heimamanna og styðja eftir megni öll mál er varðar Stokkseyri beint, án afskipta af stjórnmálum. Félagsgjald er kr. 1000 á ári og eru sendir gíróseðlar í ársbyrjun til félaga.