Hljómsveitin GRANÍT frá Vík í Mýrdal í lífi og leikjum Stokkseyringa

Hljómsveitin Granít og Vinirnir frá Vík í Mýrdal eru heldur betur orðnir hluti af mannlífi og menningu Stokkseyrar.

Í fyrra komu þeir og léku á Bryggjuhátíðinnu og slógu hressilega í gegn á Sviðinu á Stokkseyrarbryggju.

Síðan léku þeir á 10 ára afmælishátíð Hrútavinafélagsins Örvars á Hótel Selfossi í desember s.l. og á þorrablótinu á Stokkseyri í febrúar.

Á Bryggjuhátíðinni í ár er það svo á Bryggju-Sviðinu á föstudagskvöldinu á hinni mögnuðu fjölskylduskemmtun.
Í gærkveldi var það svo á stórdansleiknum á Draugabarnum.

Rúmlega 50 Víkur-búar komu með Granít til Stokkseyrar og hafa búið á tjaldstæðinu á Stokkseyri alla helgina.

Þá færði Graníthópurinn Stokkseyringum Bryggjuhátíðarlag sem Sveinn Pálsson meðlimur í Granít hefur samið og skáldið og listakonan Harpa Jónsdóttir hefur samið texta við.

Lagið var frumflutt á Bryggju-Sviðinu við mikinn fögnuð á föstudagskvöldinu.

Á Bryggjunni

Lag: Sveinn Pálsson
Texti: Harpa Jónsdóttir

Á bryggjunni, á bryggjunni
að bryggjunni ég skrölti
um (F) fjöruborðið rölti
á bryggjunni
Frá Stokkseyri til Víkur
allir eru’ á bryggjunni

Hrútavinir hressir vígja nýja fánann sinn
Teinrétt stendur stöngin, vísar leið í bæinn inn
Trúbadúr og kvæði – það er algert æði,
Skálavíkurskilti vísa fólki heim í hlað.
Skilerí í sundi, þola illa steypibað.

Á bryggjunni, á bryggjunni
á bryggjunni ég góla
með Árna Johns og Óla
á bryggjunni.
Frá Stokkseyri til Víkur
allir eru’ á bryggjunni.

Töfragarður lokkar lipurtá í línudans,
vinstri saman hægri, íha! þar er kvennafans.
Eldur, rokk og reykur - ég er hvergi smeykur
gæslan svífur yfir, Granít spilar Bítlapopp,
Rolling Stones og kántrí, hrútasöng og ekkert stopp.

Á bryggjunni, á bryggjunni,
á bryggjunni ég tjútta
þar dansar gamla mútta
á bryggjunni.
Frá Stokkseyri til Víkur
allir eru’ á bryggjunni.

Markaðsdagur, listin, menningin fær alltaf sitt
Sandkastalakeppni, knattspyrna, ég er svo fit!
Söguferð og leikir, grill, menn standa keikir,
ball á Draugabarnum, afturgöngur dansa rokk.
Kántrífjör og sólskin, tími til að hrista skrokk.

Á bryggjunni, á bryggjunni
á bryggjunni ég djamma’
en ég þori ekki’ að slamma
á bryggjunni.
Frá Stokkseyri til Víkur
allir eru’ á bryggjunni


Skráð af: Björn Ingi Bjarnason